بحب الحكومه حمامة سلام
الدم يجرح شعـور المدام
خصوصا دم ولاد العمومه
حلالا دمانا دماهم حـرام

الكاركتير من موقع الجزيرة 

بحب الحكومه و تحب غيرى

راهن عشانها حتى سريرى

بس هواها ساكن فى الابيض

راعى البقر بإيده مصيـــرى

الحب صبر و الصبر فين؟

بحب الحكومه نازل و طالع

 

واسلم عليها أعد الصوابع

إيدها خفيفه سلوكها نظيف 

كاتم فى قلبى..صابر و بالع

الحب نار .. بتحرق يا شورى

بحب الحكومه واحب الحرايق
فداها المبانى فداها الخلايـــــق
وتبقى الحكومة بخيرها العميم
و يبقى الى حاكم منغنغ ورايق

 

الحب ماشي ضرير مش لاقى حد يسحبه

بحب الحكومه بكل المشاعـــر
و كل اللغات حتى باشـــاور
حبيب الحكومه الجميل المهاود
وربك دا عالم بحالى و ساتــر

حب و مرور

بحب الحكومه و كلى سرور
وبحفظ عشانها قانون المرور
اسمّع ليلاتى بنود الطوارئ

وأرسم فى قلبى رشقه بساطور

حب و قانون ....!

بحب الحكومة فارضه قانون
صانُعه ألاتى ما كله فنـــــون
يقسم و اصوت يقولى كمـــان
ومخبر يطبل بكفه الحنـــــون