الإمام أوباما خليفة الشيخ نابليون

بحب الحكومة عشانك اوباما
ما إنت بابانا و الحكومه ماما
ونسمع نصايحك نبطل تطرف
نصلى فروضنا و إنت الإماما

بحب الحكومه تحبس عيالى
عشان ما يرضى البيه الضلالى
يعرف خبايا قلوبهم و يدبح
تقولى أزعل ؟ طب و انا مالى

غزة ...تستاهل على رأي حكومتنا

بحب الحكـــــــومه حبظلم بلالا

أقوله دي غزه يقوللى حـــــــلالا

أصل الحكاية تهور حمــــــــاس

نقوله" كرامه" يِعِيب ف السلاله

بحب الحكومة وشيخك يا أزهر

حامي الأكابر خوفا لا تكفر

دا عالم و عارف أصول الكهانة

حرامنا مباح لمن إيده تقدر 

لو دقت الكرسي .. هاتعذرهم

بحب الحكومه و وجعانى راسي

بافكر فى سرك يا عشق الكراسي

باتمنى مره أدوقها فى عمرى

و قلب الحكومه مغفلق وقاسي